top of page
Cancer sein

U CANCARU DI U PETTU

inca2_edited.jpg

Guasi una donna nantu à ottu serà in cunfrontu cù un cancaru di u pettu durante a so vita.

Issu cancaru mette in generale parechj’anni à sviluppà si. U cancaru di u petttu hè a prima causa di murtalità per a donna.

 

Per sapè ne di pù nantu à u cancaru di u pettu :

Istitutu Naziunale di u Cancer: Cancer di senu


I mezi d'agisce:

- Guida più dettagliata: Capisce u Cancer di Senu

- Per telefunu: Cancer Info Service 0805 123 124 (serviziu gratuitu è ​​chjamate).

(U Serviziu d'Infurmazione di u Cancer hè un serviziu anonimu, apertu da 9 ore à 7 ore di sera, da u luni à u venneri, offertu da l'Istitutu Naziunale di u Cancru in cullaburazione cù a Lega Naziunale Contra u Cancru è un gruppu di associazioni. Hè una squadra furmata caregivers, esperti legali, specialisti in ascoltu, supportati da una squadra medica, chì risponde à e dumande di e persone interessate da u cancheru.

Tuttavia, u Serviziu d'Infurmazioni nantu à u Cancru ùn furnisce micca una cunsultazione medica: nè diagnosi nè pronostica).

DEPSEINSIMP22.jpg
dép sein

A VISTICHERA DI U CANCARU DI U PETTU

Nanzu à 50 anni ne pudete discorre cù un duttore generalistu, un ginecologu o un radiologu. Puderà, secondu à a situazione, davvi un urdunanza per passà una mammugrafia in un cabinettu di radiulugia. Da 50 à 74 anni, a vistichera di u cancaru di u pettu hè tutti i dui anni. Da 50 à 74 anni, vale à dì durante l’anni u più à risicu, a vistichera organizata pensa à voi : ogni persona scritta in le cascie di securità suciale riceve un invitu tutti i dui anni à partesi da cinquant’anni.

S’ellu ci hè un ritardu o micca lettara d’invitu : Dumandà u mo invitu 

 

 

Pigliate un appuntamentu indè u radiologu agreatu di a vostra scelta è presentatevi à u cabinettu cù : L’invitu di u centru regiunale di cuurdinazione di a vistichera di i cancari Corsica chì face uffiziu d’urdunanza è di bonu di presa in carica à 100 %, a vostra ultima mammugrafia s’è vo n’avete fattu digià.

cabinetti di Radiulugia agreati

Cliccate nantu à u dipartimenti per affissà a lista di i cabinetti di radiulugia agreati per a mammugrafia.

carte_edited_edited.png
hc1 copie.gif
cds1_edited.png
cr
questions sein

Dumande frequente

Ùn aghju micca boccia in pettu. Mi sentu bè. Devu fà mi visticà listessu ?

Iè, dopu à cinquant’anni, ancu sè no simu in salute, hè impurtante di fà una vistichera per u cancaru di u pettu tutti i dui anni.

 

Hè necessaria una mammugrafia puru s’ellu ùn si sente nulla à a paspera o à l’esamine clinicu ?

A paspera ùn permette di truvà e lesione di menu di 10 millimetri, invece chì a mammugrafia pò mette in lume e lesione chì ùn si ponu paspà, quelle più chjuche chì si ponu guarisce à centu per centu.

 

Di pettu à a mo anteriurità medicale, u mo duttore mi face passà una mammugrafia tutti l’anni. Possu benefizià di a vistichera urganizata ?

Pudete utilizà u nostru documentu una volta nantu à duie per benefizià d’una seconda lettura tutti i dui anni.

 

Dui anni trà dui esamini, ùn hè micca troppu longu ?
U tempu mediu di criscenza d’un tumore di u pettu hè abbastanza longu, un scartu di dui anni trà dui esamini permette per una grande magiurità di scopre un cancaru à l’iniziu. Pudete utilizà u nostru documentu una volta nantu à duie per benefizià di a seconda lettura tutti i dui anni.


Qualessi sò i criterii di sclusione di a vistichera urganizata ?

S’è v’avete fattu una mammugrafia menu di dui anni fà. S’è vo site in trattamentu per un cancaru di u pettu dapoi menu di cinque anni. Al di là di i cinqu'anni, puru s’è vo duvete fà una mammugrafia tutti l’anni, pudete utilizà u nostru documentu una volta nantu à duie per benefizià d'una seconda lettura tutti i dui anni.

 

Perchè a vistichera urganizata ùn tocca cà e donne trà 50 è 74 anni ?

Ghjè trà 50 è 74 anni chì e donne anu u più risicu di sviluppà un cancaru di u pettu è chì a vistichera hè a più efficace. A mammugrafia fatta à e donne più giovane dà menu risultati. Secondu à a vostra storia persunale, u vostru duttore vi pò prupone un seguitu primaticciu o puru dopu à 74 anni. Si parla tandu di vistichera individuale.

Vid sein
bottom of page