LE CANCER Colorectal
U cancaru colorettale si situeghja sia in lu stintinu maestru sia in lu rettu (parte terminale di u stintinu maestru).
Si parla dinù di u cancaru di u stintinu. Terzu cancaru u più frequente. In Francia 42152 casi novi sò trovi tutti l’anni. (17722 morti à l’annu) daretu à u cancaru di i pulmoni.
Hè grave quand’ellu hè visticatu tardi. U pronosticu hè liatu à u livellu di sviluppu di u cancaru : più u cancaru hè chjucu hè circuscrittu più hè semplice u trattamentu è più e sperenze di guarisce sò maiò.
Si guarisce à più di 90 % quand’ellu hè visticatu à tempu.
A grande magiurità di i cancari colorettali si sviluppanu à partesi di polippi specifichi (chjamati dinù adenomi) chì si guastanu.
Caccià un polippu nanzu ch’ellu muti, franca u sviluppu di u cancaru. I segni digestivi ponu affacà tardi, postu chì u cancaru pò sviluppassi in lu stintinu maestru senza scumudà o senza indizii.
Ghjè per quessa ch’ellu hè impurtantissimu di pudè visticà nanzu à l’apparizione di i segni clinichi.
Perchè passà una vistichera organizata cù u centru regiunale di cuurdinazione di i cancari Corsica ?
A vistichera organizata di u cancaru colorettale s’addirizza à l’omi è a donne trà 50 è 74 anni, età induve u risicu d’esse toccu da a malatia cresce. Per a vistichera di u cancaru colorettale, u centru di cuurdinazione prupone in Corsica, di realizà ogni dui anni un test di vistichera à gratisi per ricircà u sangue in i ghjetti. Issu test semplice è rapidu hè à fà in casa soia. I risultati sò mandati à i duttori generalisti poi à i benefiziarii. Si l’esame ùn hè micca realizatu, u vostru centru di cuurdinazione rimanda una lettera à ognunu per rammintà l'impurtanza di a vistichera. Per via di u so sistema di seguitu è di rilancia, u centru di cuurdinazione rammenta scrivendu à ognunu u mumentu adattu per fà u testu di vistichera colorettale.
In casu di ritardu o d’assenza di lettera d’invitu, dumendà u mo invitu .
In casu di seguitu cù una coloscopia o d’antecedenti, grazie di cumplettà a fiscia di rinsignamenti à u versu di l’invitu è di rimandà lu per lettera. Quandu iss’infurmazione seranu raccolte, u vostru cartulare serà messu à ghjornu.
Si guarisce à più di 90 % quand’ellu hè visticatu à tempu.
le dépistage du cancer colorectal
.png)
