missione
Creatu di novembre di u 2003, u Centru regiunale di cuurdinazione di vistichera di i cancari Corsica hà per scopu :
1°) Di mette in anda i prugrammi naziunali di vistichera urganizata di i cancari (secondu à l’arrestatu di u 29 di novembre di u 2006) è particularmente di u cancaru di u pettu, di a matrice è i cancari colorettali in li dui dipartimenti di Corsica. Stu centru urganizeghja dinù a cunsultazione per u risicu impeghjuritu di u cancaru in lea cù l’IPC.
2°) Stabilisce una cuurdinazione trà l’inseme di i partenarii (benefiziarii putenziali, prufessione medicale cuncernate, u Statu è a Cullettività di Corsica). A stu titulu upereghja per riunisce e cundizione umane, finanziarie è materiale necessarie à a realisazione di e vistichere di i cancari.
3) Valutà l’effetti di l’azzione di e vistichere. Racoglie l’infurmazione necessarie da i benefiziarii di e vistichere è da i duttori.
4°) Favurizà ogni ricerca, azzione, valutazione per accresce a forza di a vistichere di i cancari.
5°) Participà à a furmazione di i persunali medicali è paramedicali impegnati in li prugrammi di vistichera di i cancari per alzà a qualità di l’atti realizati nantu à e persone visticate.
6°) Verificà, direttamente o per via d’un urganisimu esternu, a qualità di i materiali aduprati è u rispettu di i prucedimenti. Oghje, u centru di vistichera di i cancari in Corsica prupone una cunsultazione per
stimà irisichi di cancaru ( serviziu à spessu chjamatu risicu impeghjuritu di u cancaru). A cunsultazione d’oncogenetica permette di prupone una vistichera è una cura persunalizata per e persone chì anu un eredità di cancaru.U calculu di u contu Eisinger è a ricerca in genetica ne sò i stuvigli fundamentali.
Per i cancari di u pettu è di l’ovarii sò u più à spessu analizati i BRCA1 è BRCA2. Sapè ne di più.
​
QUALESSE SÒ L'ORIGINE DI I FINANZIAMENTI ?
U Centru regiunale di cuurdinazione di vistichera di i cancari Corsica, hè finanzatu principalamente da l’agenzia regiunale di a salute di a Corsica (ARS) è da e cascie d’assicuranza malatia di a Corsica.
A cullettività di Corsica ci participeghja dinù.
Organigramme en révision...
L'uffiziu, a squadra
CumMunicazione
Perchè ?
Porghje à a pupulazione cuncernata un infurmazione chjara è cumpletta nantu à l’interessu di a vistichera organizata. Favurizà a participazione, nurmalizà l’attu, cambià e mentalità : fà si visticà ùn vole
micca dì ch’omu hà da avè un cancaru. Infurmà a pupulazione, visticà à bon'ora per curà megliu.
Cumu ?
Sviluppà una dinamica di rilazione cù l’aderenti , i partenarii, e rete d’intrapresa,
prufeziunali, media...Sviluppà a cuuperazione trà i sfarenti attori di a salute, messa
à dispusizione d’infurmazione di qualità per u publicu.
Mubbilizà l’attori lucali, truvà novi partenarii, sfarenti puntelli di cummunicazione per
sfarenti lochi per tuccà a ghjente di u lucale u più pussibule.
Participà à azzione di salute publica vicinu à tutti i publichi.
Cumunicà cù u publicu generale
Stampa :
Inserti in a stampa lucale, Intervista à l'onde di radio lucali.
Affissera in i scansa bus di a cità di Bastia in partenariatu cù a SPIM, a marchja rosula cù a tenuta d’un stand, poi marchja in li carrughji cù e magliette di u CRCDC Corsica.
Manifestazione urganizate da i nostri partenarii di salute, a LEGA CONTRU À U CANCARU, a MARIE DO.
Partenariati lucali :
Cù Funtana Corsa, persunificazione di i bichjerini distribuiti vicinu à e funtane à acqua rinfriscata Zilia 5 G in Corsica sana.
URGANISAZIONE D’EVENIMENTI :
A Bastiaccia, grande marchja rosula è una corsa crunumetrata in a cità di Bastia à l’occasione d’ottobre rosulu (mese di lotta contru à u cancaru di u pettu) in partenariatu cù a lega contru à u cancaru, a Marie Do è a cità di Bastia. U carrughju rosulu, in partenariatu cù a merria di Bastia è l’associ di i cummercianti. Stintinu giru in e galerie marcante. Ghjurnata d’infurmazione in l’uspidali, l’amministrazione cù tenuta di stand.
​
Cummunicà cù i prufeziunali di a salute :
I delegati di l’assicuranza malatia cuntinueghjanu à visità i duttori generalisti di Corsica nantu à u tema di a vistichera urganizata. Mandanu i mel in funzione di l’attualità, lettare individuale cù affissi è libretti à diffusà à prupositu di e campagne, à tutti i duttori generalisti, i ginecolughi, i gastroenteruloghi, i centri di radiulugia, i centri medicali, l’uspidali, e cliniche, l’amministrazione...
E nostre azzione :
Fuglioni in la stampa lucale, interviste nantu à l’onde di e radio lucale. Participazione à i seminarii di l’INCA è à e cunferenze di i nostri partenarii.
Intervenzione in l’intraprese cù i club di i maiò di u rurale, e p@m in lu rurale.
Messa in piazza di novi dispusitivi per facilità l’accessu à e vistichere urganizate.Partenariati è furmazione cù i sfarenti attori di a salute. Medicina di u travagliu, SDIS 2B, l’URPS di i farmacisti, è i laburatorii di Corsica...
Partenariati lucali :
Cù a sucetà VITO Corsica, messa à dispusizione di plachette d’infurmazione, diffusione di i messaghji nantu à l’orifiammi è i resimuneta. Tenuta di stand : a mo vistichera di u cancaru, prima appiecazione prevenzione
salute vistichera chì calculeghja u risicu di cancaru è u risicu impeghjuritu di cancaru.