Per assai cancari, più u diagnosticu hè fattu prestu menu i trattamenti seranu pisivi è più bone seranu e pussibilità di guarisce. L’intaressu di u diagnosticu primaticciu hè di curà megliu, ma dinù di limità e cunsequenze liate à certi trattamenti.
I dui mezi di luttà per permette u diagnosticu primaticciu sò : a vistichera, quand’ella esiste, vale à dì, a realisazione d’esamini di detezzione o di cura quandu omu si sente bè; a detezzione primaticcia hè identificà subbitu à l'affaccà di i segni.
A dimarchja di vistichera : l’oghjettivu di a vistichera hè di pudè scopre un cancaru primaticciu, puru s’ellu ùn ci hè ancu segni, per favurizà u risanamentu.
Cusì, per a vistichera di u cancaru di u pettu, a mammugrafia permette di scopre l’anumalie chì ùn si ponu ancu nè vede nè paspà. In certi casi, a vistichera pò permette di scopre una lesione chjamata
« precancarosa » è d’agisce in prevenzione per impediscela di diventà un gattivu male.
Si pò scopre lesione precancarose per un cancaru di a matrice (collu di l’uteru) è u cancaru colorettale.